Woensdag 26 Julie 2017

Hindernisbaan


Vandag se aktiwiteit het absoluut geen estetiese waarde nie, maar die geleenthede vir speel en leer is legio!

Dit is baie voordelig vir alle voorskolers, kleuters, peuters en skoolbeginners om te klim en te klouter, dit help nie net met brein ontwikkeling nie, maar ook met die ontwikkeling van groot en klein motoriese vaardighede. 'n Aktiwiteit soos hierdie wat hul boonop toelaat om te eksperimenteer, te beplan en weer te probeer, wakker kreatiewe vaardighede aan en leer van oorsprong en gevolg. Alles noodsaaklike vaardighede om te kan leer, lees, skryf en wiskunde te  doen!

Nog 'n voordeel aan die aktiwiteit is dat dit binnehuis geskied. Indien dit koud is buite, kan jou kinders steeds al die voordele van buitespeel kry!

Gebruik kussings, banke, stoele, tafels, kiste, emmers, kratte, of enige iets wat jy nie te jammer voor is nie en wat jy seker is hul gewig sal kan hou en laat die kinders toe om 'n "baan" te bou waaroor hulle kan klouter, klim, loop en spring. Hou maar hier en daar 'n ogie, hoe ouer - hoe wilder - en hoe gevaarliker!

Geniet jou kinders en hul kreatiwiteit!

 
Geniet kreatief wees met jou kleuter!
Volg ons gerus deur op ons elektroniese nuusbrief in te teken, of volg ons op fb
























Va

Maandag 26 Junie 2017

Rommel Uitdaging #3: Albaster wurm!


As deel van ons rommel uitdaging, het ons almal gevra om ons te help rommel bymekaar maak. Die uiteinde was 'n hele hoop toiletrolletjies! Dit was net genoeg om 'n albaster wurm te bou.

'n Albaster wurm ontwikkel alles van probleem oplossingsvaardighede, logiese denke, oorsaak en gevolg tot kreatiewe denke. Ouer kleuters, voorskolers en skoolbeginners sal hope pret he (en frustrasie sal ook kop uitsteek), terwyl hulle leer en weer probeer. Kinders kan elkeen sy eie pak of hulle kan saam-saam 'n wurm aanpak. (En in die proses leer van spanwerk, idees, eksperimentering en die belangrikheid van deel...)

Vir peuters en jonger kleuters sal Mamma of Pappa moet hand bysit om die wurm aan mekaar te sit, terwyl hulle dit sal geniet om die albaster af te rol. (Ek moet erken, hierdie Mamma het net so lekker saam gebou!)

Hoop julle geniet hierdie aktiwiteit net so baie soos ons - dit is veral lekker vir vakansie dae wat koud en/of nat is!
 Geniet kreatief wees met jou kleuter!
-volg ons op fb of via ons elektroniese nuusbrief-

Vrydag 16 Junie 2017

Vadersdag!

Ons het dit so geniet om hierdie stresbal vir Vadersdag te maak, dat dit einlik 'n kinderdag aktiwiteit moet wees!

Die basiese bestandele is water, 'n ballon en mielieblom, en as jy nou nog nie die wonderlike eienskappe van oobleck ontdek het nie, moenie langer op jou laat wat nie. Oobleck is 'n nie-newtoniaanse (verskoon indien my vertaling gebrekkig is) vloeistof wat die eienskappe van 'n vaste stof het wanneer dit onder druk geplaas word. Jy kan dus hard met jou vingers op die vloeistof kap en dit sal so hard soos die tafel wees, maar wanneer jy jou vingers daarin laat afsak, reageer dit nes 'n vloeistof. Ons het vier jaar gelede 'n inskrywing daaroor gehad as jy wil gaan loer.

Die stresbal is belaglik maklik om te maak, maar dit mors vreeslik! Oobleck fasineer kinders en mors is altyd lekker!

Geniet kreatief wees saam met jou kleuter en gelukkige Vadersdag aan al die hardwerkende (soms stresvolle) pappas!


















































































Geniet kreatief wees saam met jou kleuter!
Volg ons op fb of teken in op ons elektroniese nuusbrief net hier onder.

Maandag 15 Mei 2017

Maak 'n geskenk boksie: Rommel Uitdaging #2

Vandag is die tweede aflewering van ons Rommel uidaging. Ons probeer met al daardie goed wat in die herwinningsak gegooi word iets doen.

Ons maak vandag 'n geskenkboksie uit 'n kartonhouer waarin pap was. Jy kan enige karton verpakking gebruik om dit te maak. Daar is heeltwat knipwerk betrokke, so hou asseblief toesig.

Ons het Ouma se moedersdag geskenk in ons geskenkboksie verpak.

Lekker knip en verf.
 Geniet kreatief wees met jou kleuter!

Volg ons gerus deur in te teken op ons elektroniese nuusbrief of deur van ons te hou op fb!
 

Vrydag 05 Mei 2017

Moedersdag: Lief vir Mamma! (Rommeluitdaging 1)




Vandag vier ons die liefde wat ons het vir Mamma, met hartjies! Ons maak hartjie geskenkpapier, kaartjies, hangende harte, waterval harte en sleuterhouer harte, alles met 'n vel papier, bietjie verf en 'n toiletrolletjie!

Jy kan ook 'n foto en magneet agter die toiletpapier hartjies plak vir 'n magnetiese fotoraampie.

Hou in gedagte dat kleiner kleuters en peuters heelwat meer hulp gaan benodig. Hulle sal die verf en mors geniet, maar Mamma (of) Pappa sal byvoorbeeld die inryg werk moet doen.

Hierdie inskrywing is ook die eerste in ons rommeluitdaging reeks. Vir die volgende paar weke kyk ons wat ons met al daardie goed kan doen wat in die herwinningsak gegooi word! Laat weet ons gerus as julle ons wil uitdaag met rommel of as jul slim idees het. Ons hou van 'n uitdaging :)

Baie dankie aan al die Mammas - mag julle met 'n soen en 'n druk wakker gemaak word op Moedersdag!





Geniet Kreatief wees met jou kleuter!
Teken in op ons elektroniese nuusbrief of volg ons op fb!

 

Woensdag 26 April 2017

Bak en Brou: Hasie Kalbassie Kaboem Boem Boem!

Daar is min dinge wat 'n kind so geniet as om te bak en te (ver)brou! Jonger kleuters hou van ingooi, geraas, proe en voel terwyl ouer kleuters kan begin help om af te meet en uit te rol. Haasbekke kan selfs al die hoeveelhede afmeet. En die opsies vir mors is eindeloos...

Die suikerkoekie resep is effens aangepas uit die "Kook en Geniet" van SJA de Villiers en het nog nooit geflop nie. Dit is maklik om aan te maak met 'hulp' en rol maklik uit. Dit smaak ook vorentoe!

Met vakansies soos Paasfees bak ons hasie koekies om te eet in plaas van die tonne beskikbare sjokolade lekkernye, want ons het 'n koeimelk allergie in die huis. 

Lekker bak!


 Geniet jou kleuter se kreatiwiteit!
 Volg ons of fb of teken in op ons elektroniese nuusbrief.

Vrydag 07 April 2017

Ruimte Ritte

Vandag maak ons twee verskillende vuurpyle: 'n twee dimensionele knip-en-plak prent wat geskik is vir alle ouderdomsgroepe en 'n drie dimensionele vuurpyl wat meer geskik is vir ouer kleuters, voorskolers en grondslagfase skoliere. 

Die toiletrol vuurpyl kan gebruik word om ruimtetema kamers en partytjies te versier deur dit van die dak af te hang, of as tafelversiering gebruik word of propvol eetgoed gestop word as 'n partytjie verassing! My voorskoler het gekies om syne breek te speel - elke maak minuut werd!

Jy behoort alles in jou huis te vind, geniet die maak en speel!


 Ons hoor graag van julle! Gee ons terugvoer oor die projekt en stuur vir ons foto's.
Jy kan ons op fb volg of inteken op ons elektroniese nuusbrief.

Geniet kreatief wees met jou kleuter!